দূৰৈৰপৰা দেখিলেই হাই বুলি
মাতিবা দেই. . . .
ওচৰ চাপি জানিবা মোৰ সঞ্চিত বাৰ্তা
সমীপত পাই উথলি উঠা অনুৰাগৰ বীজ
সিঁচি দিম
তোমাৰ মন পথাৰৰ আৰ্দ্ৰতাত
সংগ্ৰহ |
আজি বেছি দিন হোৱা নাই
মোৰ পৰা তোমাৰ হৃদয়লৈ যাবলৈ
সাঁকোখন বন্ধা
মই ছাগে
বৰকৈ ভাৱো তোমাৰ কথা
ক্ষণদাৰ মাজ মজিয়াত কেতিয়াবা
ভুল কৰো শেতেলিৰ কোমল গাৰুটোক সাৱটি
পৰ্দা ঠেলি
হাচনাহানা সুবাস কঢ়িয়াই অনা
ফিৰফিৰীয়া
প্ৰভাতী বতাহজাকে চুই গলে ভুল কৰো
তোমাৰ লাহী আঙুলিৰ স্পৰ্শ বুলি
আজি বেছি দিন হোৱা নাই
মোৰ পৰা তোমাৰ হৃদয়লৈ যাবলৈ
সাঁকোখন বন্ধা
সেইবাবেই বোধকৰো
তোমাক লগ পোৱাতো মোৰ প্ৰেয়ঃ
সেয়ে কেতিয়াবা
দূৰৈৰপৰা দেখিলেও হাই বুলি মাতিবা
সমীপত পাই উথলি উঠা অনুৰাগৰ বীজ
সিঁচি দিম
তোমাৰ মন পথাৰৰ আৰ্দ্ৰতাত. . . ।
++++
বুুকুত থকা শব্দবোৰ ধুপুচ ধুপুচ কৰিছে . . .
ReplyDeleteবহুত ধুনীয়া কবিতা
ReplyDelete